名媛杨张新悦接受电话访问，她表示已怀孕三个几月，未知仔定女，又谓最重要身体健康。她直言本身想低调，但发现自己又肥又肚凸凸，出街时旁人又眼望望，所以接受不了而在社交网亲自宣布喜讯。讲到再次做妈妈，杨张新悦坦言想用一个轻松角度表达，所以用自己首旧歌再重新填词，并配以《一不小心2018大肚婆》做歌名，把这首歌送畀所有大肚婆同妈妈，希望大家有共鸣。
畀老公「呃」
杨张新悦说：「小朋友又可以参与，我负责唱，一齐拍MV咁。（点解话老公呃你？）哎呀，一向都系佢负责安全措施，我对药物敏感，唔食药（避孕），证明佢嘅措施都唔安全。」她透露本身知道再次怀孕的消息时好唔开心，但都要接受：「我有烦恼，因为系我生同我凑，大家都系拍拍箩柚就走，我谂住甩身，因为我钟意做嘢，系事业女性，想重出江湖，但个天觉得我应该留喺屋企凑仔。」
十年来凑女牺牲大
杨张新悦直言制作这个MV是有感而发作，因为当她知道再次怀孕时就有好多灵感：「你试吓生第4个，我用咗十年时间由怀孕到凑仔，最大嗰个9岁，细嗰个3岁几，我嘅人生喺呢十年系照顾BB，又冇得玩，食嘢又畀人话，病又唔敢食药，咖啡又唔饮得，生完又担心BB会病，喂奶喂到胸痛，呢啲片段不断浮现，所以大肚婆同妈妈会有共鸣。」
责任编辑：