夏天一到就
哩样唔想食，果样又唔想食
搞到好似好难服侍咁
佛山人对食“奄尖”唔洗多讲
绝对唔会随便屈就自己
“冇胃口啊，食粥係啦”
冇咩问题係“一煲粥”解决唔到
粥，唔似米饭咁有颗粒感
无须多咀嚼，“咻一声”就落肚
唔知煲咩粥？嫌煲粥麻烦？唔识煲粥？
“得啦得啦！同我一齐出去食啦！”
砂锅粥
砂锅粥，肯定係潮汕最正食
潮汕近海边，所以粥料
大多以虾、蟹等海鲜为主
鲜味十足
膏蟹鲜虾粥
砂锅粥普遍浓稠多料
黄色一粒粒的蟹膏甘香和味
“一嘬”满口腔都係虾蟹嘅鲜甜
米粒“烟烟韧韧”啱啱好
干贝海参沙虾粥
沙虾鲜甜无需多讲
有干贝、海参吊味
绵软顺滑的粥底衬托
每一羹都係精华
佛山人食砂锅粥点可以唔去“如轩”
开咗16年，都算得上老字号
“如轩”出名粥底浓稠、用料足
好多人食宵夜都会选择嚟哩度
地址
南海区保利水城西街6栋1-3号铺
禅城区忠义路51号文化里05号铺
顺德区乐从大道东金宇名都A269号SP28铺
实在太多分店，大众点评一下吧
生滚粥
生滚粥的粥底係砂锅粥的进阶
砂锅粥只係将米熬成饭，生滚粥要熬成花
广东最有名嘅当属艇仔粥、及第粥
係每间茶楼固定菜单
艇仔粥
粥底熬滚后直接放入
蛋丝、海蜇丝、虾米、鱼片、腐皮
最后直接撒上花生米、油条、葱花
热腾腾一碗，软绵香口
好食嘅生滚粥
大多隐藏係唔起眼嘅大排档
来自市井人民嘅独门秘方
“彩记”就係其中一间口碑粥铺
量大、料足、价钱适中
地址
禅城区潮安南路与同济东路交界口
及第粥
主要用瘦肉、猪肝、粉肠滚制
因此又叫“猪杂粥”
成功去除猪杂气味
係滚好一煲及第粥嘅重要步骤
猪杂粥想食唔难，佛山“四围都有”
不过係西樵隐藏咗一条10几历史嘅食街
其中“同兴旺酒楼”猪杂粥係当地绝对街知巷闻
原因係佢日日都会认真挑选新鲜猪杂
宵夜值得嚟哩度整翻煲
地址
佛山 南海区西樵镇联新村康和市场内
水蛇粥
顺德十镇，镇镇出美食
水蛇粥就係龙江镇代表美食
蛇皮爽脆、蛇碌嫩滑
用红枣、猪骨熬制嘅粥底鲜香无比
蛇肉胆固醇低，可以清热去火
宵夜想食多碗都唔惊
食水蛇粥一定要去龙江镇集北村嘅“集北食街”
连广州食客都会慕名嚟哩度揾食
其中柱记、鸿记、廖飞记最负盛名
各有千秋，各有各嘅“拥趸”
地址
顺德区龙江镇集北村近集北桥
老火粥
之所以叫老火粥，係指做法上
米、水、配料一齐落煲熬煮
一到夏天，广东人会提前用两三个种煲翻一大煲
再炒碟粉，嗌上亲戚嚟屋企一齐“食粥食粉”
咸骨粥
用珍珠米、猪筒骨齐水熬制3粒钟
一定要够火候先可以煮得出绵滑口感
“见水不见米”谓之最高境界
真係少啲火候都唔掂
推荐一间叫“老大烧鸡”嘅招牌咸骨粥
哩度猪骨粥底加咸骨花生煲成嘅粥
粥嘅稠滑，猪骨嘅甘香
整多几碗仲可以降气下火
地址
三水区西南同福美食城蓝色音符后面
杂粮粥
最近好多佛山人都钟意煲翻煲
清下肠胃，养下生
八宝粥
八宝粥，每一个佛山人都食过
用米、豆、干果、中药材搭配熬制
色泽鲜艳、口感丰厚、保健养生
夏天嚟翻碗，消下滞就好不过
瑶柱金瓜野米粥
用小金瓜做容器，精巧可爱
一羹都係野米、金瓜肉、瑶柱丝
鲜甜得嚟又有口感
哩碗颜值咁高杂粮粥来自“立春”
係咁仙嘅环境食翻碗“瑶柱金瓜野米粥”
想唔成为小仙女都难
地址
禅城区忠义路文华里美食广场D5铺
粥底火锅
又係顺德人民的功劳
用粥底打边炉
夹起每一旧肉都挂住粥水
入口柔软顺滑，仲唔上火
白旭旭熬开花嘅粥底
夹起一件牛肉撩10秒摞起
吹几下气，成件摆入口
唔~幸福到爆炸
顺德11哥除咗卜卜蚬
“一人一煲”嘅粥底火锅一样正食
仲可以打上一只鲜鸡蛋落粥
粥底口味更加丰富，口感更加顺滑
地址
南海区罗村北湖一路圣地广场B区一层006A铺
粥，可以清雅可以俚俗
可以加山珍海味，可以加咸鱼白菜
但都离唔开“清、香”二字
唔需要华丽辞藻
不华丽，却更温暖
你最中意食咩粥咧？有咩故事啊？返回搜狐，查看更多